TSOMO- Lityendyana lomfana laseNU10 eMdantsane ogama linguLisakhanya Mdingi(18) olahleke kwisikolo solwaluko eTsomo kwilali yakuKhwebulana.
Lo mfana ngowaseMdantsane ubeyokoluka kwikhaya-khulu lakhe eTsomo ngexesha elahleka entabeni.
Kucelwa nabani na onomkhondo wokulahleka kwetyendyana lomfana nebelize ngobuso ezweni ancedisane nosapho, isipolisa kunye neenkosi kufumaneke lo mfana.
Usapho lwakhe luthi lomfana ubekwiziko loqeqesho lobudoda ngexesha elahleka.
Ikhankatha lakhe licacisa lithi belisaphumile kwisithuba sentsimbi yesibhozo(20h00) ngokuhlwa kwangeCawa umhla weshumi elinesixhenxe(17 kweyoMnga 2023). Elikhankatha kuvakala ukuba libuye ngentsimbi yesithathu(03h00) ekuzeni kusa kwangoMvulo umhla weshumi elinesibhoso(18 kweyoMnga 2023).
ULisakhanya Mdingi ubezakubuyiselwa ekhayeni lakhe ngoLwesine lo sijonge kuye nanjengoko ikhaya besele licwangcisele ukumenzela iimfanelo zakhe.
Inimba mayibenye mawethu.
