BIZANA – Kuntlithene izithuthi ezimbini kwazekwasweleka igqala lobugcisa uMbongeni Ngema, kwingozi yemoto eyenzeke kuhola wendlela uR61 eBizana, kwindlela eya eMagusheni.
Lengozi yenzeke ngomhla we 27 kule imiyo, malunga ngecala emveni kwentsimbi yesine emveni kwemini.
Isithuthi esiluhlobo leSedan ebesikhwelise abantu abathathu nebesisingise ngase Port Edward singquzulene ne lori ibikhwelise abantu ababini, nebisingise kwelinye icala.
“Bonke abo bebekhwele kwi Sedan bafumene umonzakalo ongephi, nangona omnye umkhweli ngelishwa uswelekele kwisibhedlele i-O.R Adelaide Tambo Memorial, eBizana,” singqinile isithethi seSebe lezothutho ephondweni u-Unathi Binqose.
Ukongeza, bobabini abakhweli belori baphume bengenawo nomkrwelo.
UMphathiswa weSebe lezothutho ephondweni uXolile Nqatha ugqithise amazwi ovelwano kusapho kunye nakwizihlobo zikaNgema, ekwa nqwenelela abo basesibhedlele ukuphila okukhawulezileyo nokupheleleyo.
Ukuzokuthi ga ngoku unobangela walengozi usemfiliba, ukanti ityala lokubulala ngokungenanjongo livuliwe kwisikhululo samapolisa saseBizana ukuze kuqhutywe nophando.
Ngabantu abalishumi elinesibini abasutywe kukufa ezindleleni zephondo kwingozi ezahlukeneyo, ukusukela ngomhla we 25 kule imiyo ukuzokuthi ga ngoku.
