Isebe lezolimo, ukubuyiselwa kwemihlaba kunye nokuphuhliswa kweelali lichaza indima yalo malunga nomba wendawo yezokhenketho iFish River Resort nezinze kumhlaba waseCawa(Port Alfred), kwiphondo leMpuma Koloni.
Amabango alomhlaba afakwa luluntu lwase Prudhoe nolwaseMazizi. Le nyewe yaphembelela ukuba kuyiwe kwiinkundla zamabango omhlaba(Land Claims court), ukuze ibeyiyo ethabatha isigqibo sokuba ityumbe olona luntu lunebango kulo mhlaba. Inkundla ke yaye yangecala labantu basePrudhoe waze umhlaba wabuyekezwa ngokusesikweni ngomhla wamashumi amabini ananye kweyoKwindla ngonyaka ka 2021(21 March 2021), kwingxowa mali yoluntu yasePrudhoe(Prudhoe Community Trust).
Abahlali ke batyikitya isivumelwano, nenkampani iMahalaX eyayizakusebenzisa lendawo ukushicilela umboniso bhanya-bhanya. Isebe lalingeyongxenye kunye nabo ngexesha kutyikitywa isivumelwano eso.
Isebe lazisiwe ngamagingxi-gingxi alendawo, kwaye lithembise ukunceda ukuze kuphume isisombululo esingqingqwa.
