GQEBERHA – Ayikafumaneki intwazana eneshumi elinesihlanu leminyaka ubudala (15), neyathi yalahleka kwinyanga yoMsintsi (September) kunyaka ophelileyo.
Isithethi samapolisa eGqeberha uKolonel Priscilla Naidu uthi uNikita Williams, nowaziwa ngelika’Dolly’, wahamba ekhayeni lakhe elikwisitalato iVoisen, eHelenvale ngomhla wamashumi amabini anesibini kweyoMsintsi nyakenye (22 September 2022), akazange abuyele ekhaya kude kube namhlanje.
Lo kaNaidu uthi usapho lwakhe lwazisa amapolisa ngokulahleka kwakhe ngomhla weshumi elinambini kweyeDwarha (12 October 2022).
Uthi ngokwenkcazelo kamama wakhe uNikita lo uyabonwa ngabantu kwindlela iDurban road eKorsten kwakunye naseCentral.
Wayenxibe ilokhwe ye-jean, ezinyaweni enganxibanga zihlangu ngomhla wokulahleka kwakhe.
Nabani na onolwazi okanye okhe wamthi tshee, uNikita, makaqhakamshelane nosajini Ayanda Sogxaba kwezi nombolo; 071 352 4733.
