TLOKOENG(MT FLETCHER) – Babotshwe iizandla neenyawo, badutyulwa entloko emveni koko bafakwa ngeentloko zabo edamini.
Ngamadoda amababini ekuqikeleleka ukuba bakwiminyaka engama-30 ukunyuka ababonwe ngabantu abahamba ngamahashe befakwe ngeentloko zabo edamini.
Omnye walamadoda uyaziwa ukuba ngubani, omnye lo wesibini ubengekaziwa, kodwa likhona ithemba kuba ngokutsho kwabahlali esi sibini ngabantu abatshomeneyo.
Imizimba yabo igciniswe kwindawo yogcino-zidumbu karhulumente eTlokoeng (Mount Fletcher).
Kucelwa nabani na olahlekelwe sisizalwane sakhe aye kufanisa omnye walemizimba.
Okwangoku akukabanjwa mntu ngesisiganeko, ityala livuliwe kwisikhululo samapolisa Mount Fletcher.
