eDUTYWA – uSodolophu woMasipala waseMbhashe uCeba Samkelo Janda kunye nosomashishini u-Livingstone Gcobani Nogoduka baphethule umhlaba eDutywa ngomhla we 17 kweyeDwarha 2023, oku kuza emveni kokuba kuzokwakhiwa udederhu lweevenkike eDutywa elizokubizwa ngokuba yi-Mbhashe LG Mall.
UNogoduka utyale isixa semali esingange-zigidi R320M, ukanti kungekudala kuzokuqaliswa ukusetyenzwa kwaye oludederhu lwevenkike kuqikelelwa ukuba lizokuqala ukusebenza ngenyanga yoKwindla 2025.
UJanda uqhwabele izandla uNogoduka,”olulwakhiwo loludederhu lwezivenkile lizokutsho ligxothe ikati eziko kuluntu loMasipala ngokudala imisebenzi, uphuhliso olukumila kanje siyaludinga singuMasipala”.
Ukongeza uNoguduka ungqinile ukuba uyigalela lemali ngomzimba ongenaxhala kuba ukubona uphuhliso nokudala amathuba engqesho kuloMasipala ngumonde wakhe.
“Ndibulela kakhulu kwibhunga loMasipala ngokusebenzisana ukuqala ngoku sizokuwagawula siwarhuqa,” Nogoduka.
Yimisebenumzi eqikelelwa kumakhulu amane ekulindeleke idalwe loluphuhliso kwisithuba solwakhiwo ukanti imisebenzi engamakhulu amathathu enamashumi amahlanu izokudaleka ngexesha xa udederhu lwevenkike sele ligqityiwe lisebenza.
Ngamashishini angamashumi amane anqwalileyo ukuba azokutyekeza iinkonzo eluntwini koludederhu kuquka nebhanki.
Ukanti oludederhu luzokwakhiwa yinkampani i-Exemplar.
