MTHATHA – Lizakucaca namhlanje ikamva likaYibanathi McGyver Ndema owabulala umfazi wakhe ogama linguNoluvuyo Nonkwelo.
Eliqotha-qikili leqili labulala umfazi walo emveni koko lamngcwaba ngaphantsi kwebhafu endlini.
Emveni kwelinyala le ndoda yazibandakanya nosapho kunye nabahlali ekukhangeleni umzimba walenzwakazi. Naye wacela kule yabantwana elila ngaso nye kanti ngalo lonke elo xesha nguye umguvela nengcaphephe yelisikizi.
Namhlanje inkundla ephakamileyo eMthatha izakuwisa isigwebo ngakulencukuthu yegazi.
Yonke lento yenzeka kanye xa kuvalwa iintsuku zephulo elizama ukusiphula neengcambu umkhuba wempatho-gadalala, ukuxhatshazwa nokubulawa kwabasetyhini kunye nabantwana(GBVF).
Inkundla yaseMthatha igcwele imi ngeembambo uluntu lwalengingqi neziphaluka lulindele ukuva ukuba uMantyi uzakusigweba kanjani esisibhovu-bhovu.
Amanqaku ondlekileyo azokulandela noMzukisi Mangwane.
