GQEBERHA – Ziinkuntsela zemiguvela yemigulukudu ezithe zambonzeleka emzini zinganikwanga mvume yakungena. Bangene nje endlini bavulela ngezulu lezandla. Badudule kwanto ephambi kwabo bedubula nabantu abakufutshane nalomzi bebendwendwele kuwo.
Isithethi samapolisa eMpuma Koloni uColonel Priscilla Naidu uthi “esi sisiganeko sesithathu ukwenzeka eGqeberha kulonyaka nje wodwa.
Esi sisehlo sesibini kwilokishi yakwaZakhele kuba nasekuqaleni konyaka besicula eliculo”.
Unobangela wokubulawa kwabantu ngalendlela awukaziwa okwangoku.
Umkomishinala wamapolisa eMpuma Koloni, uLt-General Nomthetheleli Mene, uyalele abecuphi becandelo elijongene nolwaphulo-mthetho oluququzelelweyo ukuba bazingezele abanqevu nasezicithini.
