LIBODE – Sisiganeko esibuhlungu nesingaqhelekanga esenzeke kwidolophu yaseLibode kwilali yaseThembeni esishiye abahlali balendawo bebambe ongezantsi.
Sisibhovu-bhovu sesigwinta somfana ongadizwanga ngagama naminyaka esithe sagebenga iqabane laso elineminyaka engamashumi mathathu anesihlanu(35) ngokuthi alinqunqe emveni koko wathatha amalungu womzimba wawatyala kwimingxuma yezindlu zangasese.
U-Athandile Siqotyana olilungu losapho khange akwazi ukuzibamba wacela kule yabantwana xa ebezama ukucacisa ngendlela axheleke ngayo sesisihelegu.
Esisigebenga asanelanga nje kukumnqunqa koko siye sathatha amalungu wakhe womzimba sawatyala kwizindlu ezincinci kwimizi eyahlukeneyo.
Amathumbu welinenekazi afunyenwe kwindlu yangasese kabhuti wesigebenga ethe tywaa usizi lwento.
Lonqalintloko uye waxelela abantu ukuba nguye owenze esisiganeko emveni koko wancedisana noluntu ekukhangeleni lamalungu womzimba ubewatyale kwezozindlu zangasese.
Uluntu lwalengingqi lusathe xhugu sesisiganeko nanjengoko isisiganeko esingaqhelekanga kulangingqi.
