ENCIBA – Amadoda amane nabehamba ngesithuthi esincinci esiluhlobo lweVW Vivo ayikhabile ibhekile ngalentlazane.
Esisine sigaxeleke kwingozi emasikizi eyenzeke kuhola wendlela uN2 eNciba kumgama ongange 12 khilomitha ukuya kwiBhulorho yaseNciba xa usuka kwicala laseMonti.
Umqhubi weLori nabakhweli ababini babhungce ngezikasibi, baphume bengenawo nomgruzuko.
Le nqwelo-mafutha eluhlobo lweVW Vivo ingquzulene okwenkunzi zegusha neLori lahlanza iselwa kumadoda amane nabekhwele kwesisithuthi sincinci.
Kurhaneleka ukuba umqhubi lo wesithuthi esincinci uphulukene nolawulo wesithuthi eso wayakungena kuleLori.
Intsusa nesizakabani selishwangusha asikacaci.
Ityala lokubalala ngokungenanjongo livuliwe kwisikhululo samapolisa eKomga ngenjongo zokuphanda nzulu.
